अनलाइन डबली
काठमाडौं । अभियान्ता तारा बरालद्वारा ‘एकल महिला पुनर्विवाह तथा सामाजिक न्यायको अभियान’को घोषणा गरेकी छन् । शुक्रबार राजधानी काठमाडौंको संवाद डबलीमा पत्रकार सम्मेलनको आयोजना गरि पुरुष एकल भएको वर्ष दिनमै कन्या केटी खोज्ने तर महिलाले एकल भएर बस्नु पर्ने सामाजिक सोच गलत भएको समेत बताईन् ।
बरालले आजकै मितिदेखि हरेक वर्ष माघ १९ गतेका दिन राष्ट्रिय पुनर्विवाहा दिवस मनाउने घोषणा समेत गरेको पत्रकार सम्मेलनमा बताईन् । बरालले पुरुष सहबासको लागि मात्रै नभएर आत्मसम्मान, अनि सामाजिक परम्परा कायम राख्न तथा सहज जीवन यापनको लागि पनि विविह गर्नु जरुरी रहेको धारणा राखिन् ।
कानुनीरुपमा पहिले भन्दा नारिहरुलाई अधिकार प्राप्त भएपनि नेपालमा धार्मिक,सामाजिक लगायतका चेतले महिलालाई अझै समस्या परिरहेकाले आफूहरुले त्यसको सहजताको निम्ति यो अभियान चालेको दाबि गरिन् ।
सो अभियानकी अभियान्ता मञ्जु पंगेनीले महिला एकप्रकारले पुरुषको दास जस्तै बन्दै आएको नेपाली समाजमा अझै पनि त्यो ह्याङग रहेको बताईन् ।
चुलो र चौकोमा सिमित गर्नेदेखि पतिको मृत्यू वा विविध कारणले सम्बन्ध विच्छेद भएपछि महिलाई हेय र अपहेलनाको दृष्टिले हर्ने हुँदा त्यसको अन्त्य यस अभियान मार्फत गर्ने दावि गरिन् । एकल महिला अब उपयुक्त पुरुषसँग सहजै विवाह गर्न सक्ने वातावरको लागि र महिला सशक्तिकरणको निम्ति पनि सो अभियान चलाएको बताईन् । उनिहरुले एकल महिलालाई २ हजा र भत्ता दिएर मात्रै पुग्दैन भन्ने सांकेतिक प्लेकार्ड पनि प्रश्तुत गरेका थिए ।
के–के गर्दछ त सो अभियानले तलको वक्तव्य हेर्नुहोस :
