अनलाइन डबली
काठमाडौँ । नेकपा माओवादी केन्द्रकी केन्द्रीय सल्लाहाकार सिता दाहालको निधन भएको छ । प्रधानमन्त्री तथा माओवादी केन्द्रका अध्यक्ष प्रचण्डकी जीवनसंगिनी समेत रहेकी सिताको आज विहान निधन भएको हो ।
पार्टीका महासचिव देव गुरुङले शोक विज्ञप्ति निकाल्दै सीताको निधनले पार्टी, जनता र राष्ट्रका लागि अपूरणीय क्षति भएको जनाएका छन् । उनले सिङ्गो पार्टी स्तब्ध भएको जनाएका छन् ।
को हुन् सीता ?
– कास्कीको हेम्जामा वि.सं.२०११ असार २१ गते आमा हरिकला पौडेल र बुवा महेश्वर पौडेलको कोखबाट सिताको जन्म भएको थियो ।
– २०२६ सालमा प्रचण्डसँग विवाह भएको थियो ।
– २०२८ सालदेखि नै कम्युनिस्ट आन्दोलनमा आबद्ध ।
– २०५२ सालबाट भूमिगत राजनीतिमा सक्रिय सिता त्यसअघि पञ्चायत कालमा लामो समय भूमिगत जीवन बिताएकी दिईन् । जनयुद्धमा सिङ्गो पार्टीको अभिभावकका रूपमा पार्टीभित्रका चुनौती, सङ्कट, विवाद समाधानका निम्ति समन्वयकारी भूमिका खेलेकी थिइन् । पार्टीका अन्तरसंघर्षमा त सिताको ठूलो भूमिका रहेका थियो ।
– शान्ति प्रक्रियापछिका माओवादी पार्टीको उतारचढाबमा हेडक्वाटरको सहयागी बन्दै आएकी सिता पछिल्ला दिनमा बिरामीका करण थला परेकी थिइन् ।
– सिताका तीन छोरी र एक छोरीमध्ये जेठी छोरी ज्ञानु र छोरा प्रकाशको यसअघि निधन भइसकेको छ ।
