काठमाडौँ । संयुक्त राष्ट्रसङ्घीय शान्ति मिसनका लगि इराकमा खटिएका नेपाली शान्ति सैनिकहरूको अदली बदली गरिएको छ ।
संयुक्त राष्ट्र सङ्घीय गार्ड युनिट (अनामी एक्स–बि) लाई बदली गर्न (अनामी एक्सआई–बि) को पहिलो टोली त्यसतर्फ प्रस्थान गरेको सैनिक जनसम्पर्क तथा सूचना निर्देशनालयले जनाएको छ ।
भाद्र १५ मा सेनानी बसन्त नाथ योगीको नेतृत्वमा नयाँ टोली इराक तर्फ प्रस्थान गरेको थियो । फ्लाई दुबईबाट मिसन इलाका प्रस्थान गर्नेमा १८ जना शान्ति सैनिकहरू छन् ।
सो मिसनमा तैनाथ पहिलो टिम सह–सेनानी अनिल थापाको नेतृत्वमा भदौ १६ मा नेपाल फर्केको नेपाली सेनाले जनाएको छ ।
