अछाम । जिल्लाको पञ्चदेवल विनायक नगरपालिकामा एक अर्का युवाकको शंकास्पद मृत्यु भएको छ । बिनायकका स्थानीय युवा बम बहादुर धामी मृत अवस्थामा फेला परेका छन् । सोही नगरपालिकाको वडा नम्बर दुईका २५ बर्षीय धामी मंगलबार राति ११ बजेतिर सडक किनारको नालीमा मृत अवस्थामा भेटिएका हुन् ।
बिनायक बजारबाट करिब ५ सय मिटर र इलाका प्रहरी कार्यालयबाट करिब दुई सय मिटरको दूरीमा धामीको शव भेटिएको हो । इलाका प्रहरी कार्यालय नजिकै शव भेटिनुले पनि स्थानीय असुरिक्षत भएको स्थानीयले बताएका छन् ।
पछिल्ला दिनमा अछामको यो नगरपालिकामा ह’त्या तथा अपराधिक घटना घटिरहेका छन् । केही समय पहिले कालिकास्थानका युवाको ह’त्या भएको थियो । त्यो भन्दा पहिले पूर्ववडाअध्यक्ष र एक अर्का युवाको पनि ह’त्या भएको थियो ।
पहिलेका घटनाको सत्यतथ्य सार्वजनिक हुन नपाउँदै फेरि धामी मृत अवस्थामा भेटिएका छन् । उनको पनि ह’त्या भएको हुन सक्ने स्थानीयले बताएका छन् । उनको शव खोला छेउमा भेटिएको छ । शव नियन्त्रणमा लिएर थप छानविन भइरहेको इलाका प्रहरी कार्यालय बिनायकले जनाएको छ ।