काठमाडौँ । रुस–युक्रेन यु’द्धबारे चीनले मुख खोलेको छ । चीनले के भन्छ विश्वले हेरिरहेको बेला चीनका विदेशमन्त्री वाङ यीले आगोमा इन्धन थप्ने कदमको विरोध गर्ने बताएका छन् । चीनका सरकारी संचारमध्यम ग्लोबल टाइम्सका अनुसार वाङ यीले आफूले रुस र युक्रेनबीच प्रत्यक्ष वार्ताका लागि प्रोत्साहन गरेको बताउँदै संवाद र वार्ताबाट मात्र सङ्कट समाधान गर्न सकिने बताए।
वाङ यीले अमेरिकी राज्यमन्त्री एन्थोनी ब्लिन्कनसँग बेइजिङले आगोमा इन्धन थप्ने कुनै पनि कार्यको विरोध गर्ने बताएका हुन् ।
बीबीसीका अनुसार पछिल्लो दुई सातामा चीन र अमेरिकाबीच उच्चस्तरिय दोस्रो फोन वार्ता हो । चीनले राष्ट्रसंघमा मतदान नगरेपनि रुसको पक्षमा खुलेको छैन । तर, कुटनीतिक रुपमा रुसको समर्थन गरेको छ ।
वार्ताको क्रममा वाङले अमेरिका, नेटो र युरोपेली सङ्घलाई रुससँग निष्पक्ष वार्ता गर्न र नेटो सङ्गठनको विस्तारको बारेमा मस्कोको सुरक्षा चासोलाई स्वीकार गर्न पनि आह्वान गरेका छन् ।
यसमा अमेरिका तयार छैन । नेटोले सैनिक नपठाएपनि हतियार पठाइरहेको छ ।
यसैबीच भारतलाई पनि स्पष्ट रुपमा खुल्न दवाव बढेको छ । भारतले पनि रुसको कुटनैतिक रुपमा रुसको समर्थन गरेको छ । भारतले पनि राष्ट्रसंघमा मतदान गरेन ।
रुस–युक्रेन सङ्कट समाधानका लागि वार्ता र कूटनीतिमा भारतले जोड दिँदै आएको छ । पश्चिमा देशहरुले मस्कोविरुद्ध लाग्न भारतलाई पनि दवाव दिइरहेका छन् । तर, प्रधानमन्त्री नरेनद्र मोदीले संवादबाटै समस्या समाधान गरिनुपर्नेमा जोड दिइरहेका छन् ।
रुस र भारतको सोभियत कालदेखिकै सम्बन्ध छ । भारतले रुसबाट करिब ५० प्रतिशत रक्षा आयात गर्दछ ।
