काठमाडौं । अमेरिकाका नयाँ राष्ट्रपति जो बाइडनको शथप समारोहको पूर्वसन्ध्यामा ठाउँठाउँमा झडप र गोलाबारी भएका छन् । अन्तर्राष्ट्रिय संचारमाध्यमहरुका अनुसार अमेरिकाको फिनिक्स शहरमा गोलाबारी भएको छ ।
दुई समूहबीच भएको गोलाबारीमा परी दर्जनौं व्यक्तिहरु घाइते भएका छन् । जो बाइडेनको शपथ समारोहमा सुरक्षा खतरा भन्दै अमेरिकाका ५० सै राज्यमा हजारौं सुरक्षाकर्मी परिचालन गरेपनि झडप र गोलाबारी पनि रोकिएको छैन ।
त्यसैगरी सबैभन्दा धेरै सुरक्षाकर्मी परिचालन वासिङ्टन डिसीमा परिचालन गरिएको छ । क्यापिटल हाउसमा यसअघि ट्रम्पका समर्थकले हमला गरेसँगै त्यहाँको सुरक्षा सतर्कता बढाइएको छ ।
अमेरिकी अधिकारीहरुलाई उदृत गर्दै समाचार एजेन्सीहरुले फिनिक्स शहरको एबेन्यु क्षेत्रमा भएको झडपमा तीन जना गो ली लागि ढलेको अवस्थामा भेटिएको बताएका छन् । झडपमा परी घाइते भएकाहरुको अवस्था गम्भीर रहेको छ । घटनाबारे अनुसन्धान थालिएको छ । घटनामा संलग्न भएको आरोपमा केहीलाई पक्राउ गरिएको छ ।
ट्रम्प समर्थकहरु हतियारसहित सडकमा निस्किरहेका छन् । उनीहरु आक्रोसित रहेको हुँदा जतिखेर पनि घटना घट्न सक्ने सुरक्षाकर्मीहरुले बताएका छन् ।
राष्ट्रपतिमा निर्वाचित जो बाइडनको जनवरी २० मा शपथ समारोह आयोजना गरिएको छ ।
