काठमाडौं । परियार मात्रै नभएर ६० लाख दलित एक भएर जातिय विभेदविरुद्ध लड्नुपर्ने अवस्था आएको वक्ताहरुले बताएका छन् । मंगलबार राजधानीको संवाद डबलीमा ‘परियार सेवा समाज’को ३१ औं स्थापना दिवसको अवसरमा समाजले गरेको कार्यक्रममा वक्ताहरुले विसे नगर्चि सबैको प्रेरक भएको बताए ।

पूर्व राजदूत पदम सुन्दासले देशमा पछिल्लो समय बढ्दै गएको जातिय विभेद तथा दलितमाथिको अत्याचार विरुद्ध देशभरीका दलितहरु एकजुट हुन आह्वान गरेका छन् ।
परियार सेवा समाजका अध्यक्ष बल बहादुर सुन्दासले देशभरी ठूलो उपस्थिति रहेको दलित समुदाय एक नहुँदा उनिहरुमाथि दमन बढेको बताए । उनले परियार समाज मात्रै नभएर ६० लाख दलित एक भएर प्रतिवादमा उत्रनुपर्नेमा जोड दिए ।

संविधान सभा सदस्य सुजाता परियारले लामो संघर्षपछि संविधानमार्फत दलितका हकअधिकार लिपिबद्ध गरिए पनि अझै लागु हुननसकेको भन्दै दुःख व्यक्त गरिन् ।

डा.मित्र परियारले देशमा एकपछि अर्को गर्दै दलित समुदायमाथि दमन बढ्न थालेकोले त्यस विषयमा गम्भीर समिक्षा गरेर सशक्त आन्दोलनको तयारी गर्नुपर्नेमा जोड दिए । उनले केही महिनाभित्रमा देशभर दलित युवा युवतिहरु कथित उपल्लो जातिय सोचको सिकार भएको तर दलितहरु मौन भएकोप्रति आक्रोश व्यक्त गरे । “हालै जनकपरियार बोलेकै भरमा हप्ता दिन हिरासत बस्नुभयो, सिन्धुलिका श्रीकृष्ण विकको न्याय घाममा सुख्यो, दिपा नेपाली विभेदविरुद्ध सडकमा छन्, अनि खगेन्द्र सुनारहरु मौन बस्नु भाछ, हामी विभक्त छौं” परियारले भने ।

पूर्व सांसद लक्ष्मि परियारले समाजलाई थप सशक्त भएर दलितका मुद्धाहरुलाई बुलन्द बनाउन होस्टेमा हैंसे गर्न तयार रहेकोब ताईन् ।

विसे नगर्चि एकताको प्रतिक नेपालका अध्यक्ष राम कुमार रणपालले विसे नगर्चि सम्पूर्ण दलितहरुको प्रेरक भएकोले उहाँको सालिकहरु बनाउने क्रम जारिरहेको बताए ।

जेनजी यूनाइटेडका संयोजक जनक परियारले दलित समुदायका युवायुवतिहरुमाथि दमन बढेकाले अफूहरु थप सशक्त भएर अगडि बढ्नुपर्नेमा जोड दिए ।

अधिवक्ता सितारमा घलेले संविधानले दलित तथा उत्पीडित समुदायको हकअधिकार सुनिश्चित गरे पनि समाजको चेतना स्तरमा परिवर्तन नहुँदा उनिहरु अझै पीडामा ज्युन बाध्य भएको बकताए ।

वरिष्ठ उपाध्यक्ष कृष्ण रणपालले ३१ वर्षसम्म निरन्तर समाज अगाडि बढाईरहेको र त्यसलाई थप सशक्त बनाउन सबैलाई साथ दिन अपिल गरे । उपाध्यक्ष रणपालले नेपाल एकीकरणमा पृथ्वीनारायाण शाहलाई राणनीतिक तथा अर्थिक सल्लाहकारको भूमिका खेलेका विसे नगर्चिको बारेमा जानकारी दिए ।

“नगर्चिको महिमा र गरिमालाई जिवित राख्न समाजले सातै प्रदेशमा विसे नगर्चिको सालिक स्थापना गर्ने योजना अनुरुप ३ वटा प्रदेशमा सालिक निर्माण भइसकेको छ र बाँकी बन्ने क्रममा छन्” राणपालले भने ।
महासचिव अन्जान गौतमले परियार सेवा समाज विभक्त भएर भन्दा एकजुट भएर सामाजिक उत्पीडन विरुद्ध लड्नुपर्नेमा जोड दिए ।

सो कार्यक्रममा गोरखा नगरपालिका पोखरीथोकमा सालिक निर्माणको मुख्य भूमिका खेल्ने समाजका अध्यक्ष अप्र मेजर बल बहादुर सुन्दास, काठमाडौं चन्द्रागिरी नगरपालिका बाडभंज्याङमा ‘विसे नगर्चि स्मृति वाटिका’ निमार्ण समितका अध्यक्ष दिनेश कुमार परियार र बुटवल उप–महानगर पालिका मणि मुकुन्द सेन उद्यान पार्क फूलबारीमा ‘विसे नगर्चि एकताको प्रतिक नेपाल’का अध्यक्ष रामकुमार रणपाललाई समाजले सम्मान गरेको छ ।
परियार सेवा समाजको ३१औं स्थापना दिवस