अनलाइन डबली
काठमाडौं । सरकारको आयोजनामा त्रिपक्षीय छलफल चलिरहेको छ । तोकिएकै समयमा चुनाव गराउन सहजीकरणको लागि सरकारले पहिलोपटक त्रिपक्षीय छलफल बोलाएको हो । प्रधानमन्त्रीको सरकारी निवास बालुवाटारमा सरकार, संसदमा रहेका राजनीतिक दल र जेनजी प्रतिनिधि छलफलमा छन् ।
आफूहरुका मागको बेवास्ता गरेको भन्दै प्रधानमन्त्री निवासको गेटमा घाइतेहरुले नाराबाजी गरिरहेका छन् । घाइतेहरूको एकीकृत समूहमा आवद्ध घाइते जेनजीले नाराबाजी गरेका हुन् ।
आजको छलफलमा घाइतेको प्रतिनिधि नभएको भन्दै सरकारविरुद्ध नाराबाजी गरिरहेका छन् । उनिहरुले सरकारसँग जवाफ समेत मागेका छन् ।
जेनजीका घाइतेको यो समूहले प्रधानमन्त्री सुशीला कार्कीलाई घाइतेको तर्फबाट भन्दै पटकपटक आफ्ना माग राख्दै आएको छ । तर, अहिलेसम्म सम्बोधन नभएको उनिहरुको गुनासो रहेको छ ।
