अनलाइन डबली
काठमाडौँ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईको राजिनामा माग्दै युवाहरुको एक समूह टंगालस्थित आयोगको कार्यालयमा पुगेको छ ।
राजिनामा माग गरेको पत्र दर्ता गर्न युवाहरुको एक समूह आयोगको गेटमा पुगेको हो ।
जेनजी अगुवाहरुले हिजै राईसहित सबै आयुक्तको राजिनामा मागेका थिए । उनिहरुले नैतिकताका आधारमा राजिनामा दिनुपर्ने बताएका थिए । राई विभिन्न विवादमा मुछिएकोले निष्पक्ष छानबिनमा शंका गर्दै युवाहरुले राजिनामा मागेका हुन् ।
त्यसैगरी सर्वोच्च अदालतका प्रधानन्यायाधीश प्रकाशमान सिंह राउतको पनि जेनजीको नाममा राजिनामा माग गरिएको छ ।
जेन जीको नाममा युवाहरुको एक समूह संविधान र कानुनभन्दा बाहिर गएर मनलाग्दी र आफूखुशी राज्यलाई चलाउन खोजिरहेको आरोप लागिरहेको बेला युवाहरुको एक समूह आयोगको कार्यालय पुगेको छ ।
आयोगका कार्यालय वरपर कडा सुरक्षाको व्यवस्था गरिएको छ ।
