अनलाइन डबली
काठमाडौँ । जेनजीहरुको प्रदर्शनमाथि सरकारले गरेको दमनको नेकपा एमालेकै नेता कार्यकर्ताहरुले विरोध जनाइरहेका छन् । एमालेका युवा नेताहरुले पार्टी अध्यक्ष तथा प्रधानमन्त्री केपी शर्मा ओलीको विरोध गरिरहेका छन् ।
यसैक्रममा ओली सरकारले युवा पुस्तामाथि गरेको दमनप्रति आपत्ति जनाउँदै मणि गैरेले एमालेको झण्डा जलाउँदै परित्याग गरेको घोषणा गरेका छन् ।
स्याङजा वालिङ–१३ का युवा नेता गैरेले पार्टीको झण्डा जलाएर परित्याग गरेका हुन् ।
‘पार्टीमा सधै सहकार्य गरेका साथीहरुले के भन्छन् थाहा छैन तर म एमालेलाई आज बिसर्जना गर्दैछु । कलिला भाइबहिनीमाथि गरेको बर्बर दमनले मन छियाछिया भयो । मलाई पार्टीले कारवाही गर्न सक्छ, नेता बुठाबडाहरुले कारवाही गर्लान मलाई कुनै डर छैन’ गैरेले भनेका छन् ।
उनले पार्टीको झण्डा जलाएको भिडियो शेयर गर्दै एमाले परित्याग गरेको घोषणा गरेका हुन् ।
त्यसैगरी रूपन्देहीको देवदह नगरपालिकाका मेयर ध्रुव प्रसाद खरेलका छोरा सुरज खरेलले पनि एमाले पार्टी परित्याग गरेका छन् । उनले आज सामाजिक संजालमा लेख्दै एमाले त्यागेको घोषणा गरेका हुन् ।
