अनलाइन डबली
काठमाडौं । नेकपा एमालेका अध्यक्ष केपी शर्मा ओलीले आगामी निर्वाचनमा आफ्नो पार्टीले एकल बहुमत ल्याउने बताएका छन् ।
शुक्रबारबाट सुरु भएको पार्टीको दोस्रो विधान महाधिवेशनको उद्घाटन सत्रलाई सम्बोधन गर्दै ओलीले ८४ को चुनावमा एमालेले एकल बहुमत ल्याउनबाट कसैले रोक्न नसक्ने दाबी समेत गरे ।
ओलीले भने, ‘०८४ मा हामीले एकल बहुमत ल्याउनुपर्छ । कम्तिीमा एकल बहुमत ल्याउनुपर्छ । यदी हामी जनताका बीचमा सक्रियतापूर्वक गयौं भने, हाम्रा सदस्य र समर्थक परिचालन गरेर गयौं भने बहुमत ल्याउनबाट कसैले रोक्न सक्दैन । हामी बहुमत ल्याउन सक्छौं ।’ उनले चुनाव पनि निष्पक्ष, स्वतन्त्र र शान्तिपूर्ण हुने बताए ।
ओलीले ८४ मा पनि आफूहरु सरकारमै हुने दाबी गर्दै निर्वाचनमा कसैले धाँधली गर्न नसक्ने बताए । उनले धाँधली रोक्ने बताउँदै चुनाव निष्पक्ष, स्वतन्त्र र शान्तिपूर्ण निर्वाचन हुने बताए ।
