काठमाडाँै । विश्व स्वास्थ्य संगठनले कोरोना भाइरस (कोभिड–१९) पहिलो पटक चीनको वुहानबाट नफैलिएको बताएको छ । कोरोना भाइरसबाट अनुसन्धान गर्न चीनको वुहान पुगेको डब्लूएचओलेको विज्ञ टोलीले गरेको अनुसन्धानले कोरोना वुहानबाट नभएर सामुद्रिक खानाहरूको बजारबाट विस्तार भएको पाइएको जनाएको छ ।
कोरोना भाइरसको जीवाणु वुहान भन्दा पहिले अन्त कतै फैलिएको र समुन्द्री खानाबाट वुहानसम्म पुगेको अनुसन्धान टोलीले बताएको छ । यसबारे थप अनुसन्धान भइरहेको बताइएको छ ।
विश्व स्वास्थ्य संगठनको टोलीले वुहान शहरमा रहेको वुहान इन्स्टिच्युट अफ भाइरोलोजीमा रहेको ल्याबको पनि अनुसन्धान गरेका थिए । कोरोना सुरुमा वुहानबाट फैलिएको देखिएको भन्दै विज्ञहरुले कहाँबाट उत्पत्ति भएको भन्नेबारेमा थप अनुसन्धान भइरहेको बताए ।
टोलीले कोभिड अन्यत्र उत्पत्ति भएको तर त्यही सामुद्रिक खाना तथा तरकारीहरूको बजारबाट बिस्तार भएको अुनमान गरिएको विश्व स्वास्थ्य संगठनका अधिकारीहरूलाई उदृत गर्दै समाचार संस्था सिन्हले जनाएको छ ।
विश्व स्वास्थ्य संगठनका विशेषज्ञ अधिकारीहरूले चीनको वुहानमा पुगेर गरेको अनुसन्धान गरिरहेका छन् । सुरुमा चीनले वुहान जान नदिएपनि अन्तर्राष्ट्रियस्तरमा बहस हुन थालेपछि चीन विश्व स्वास्थ्य संगठनको टोलीलाई अनुसन्धान गर्न दिन तयार भएको थियो ।
अहिलेसम्म कोरोना भाइरसको उत्पत्ति चीनको वुहानबाट भएको भन्ने संसारमा बुझाई बनेको बेला विश्व स्वास्थ्य संगठनको अनुसन्धानले नयाँ बहस सिर्जना गरिदिएको छ । विश्व स्वास्थ्य संगठनले कोरोना भाइरसको उत्पत्ति कता भएको भन्ने कुराको अन्तिम अध्ययन गरिरहेको छ ।
