अनलाइन डबली
काठमाडौं । नेकपा माओवादी केन्द्र निकट अनेरास्ववियू(क्रान्तिकारी)ले संसदमा पेश भएको विद्यालय शिक्षा विधेयक २०८०का विषयमा १३ बुँदे धारणा सार्बजनिक गरेको छ ।
सोमबार संवाद डबलीमा आयोजित पत्रकार सम्मेलनमा क्रान्तिकारी अध्यक्ष पञ्चा सिंहले संगठनको १३ बुँदे धारणा सार्बजनिक गर्दै शिक्षा विधेयक २०८० संविधानको मौलिक हक विपरीत रहेकोले अफूहरुलाई अमान्य भएको बताएकी छन् ।
हालै शिक्षकहरुले आन्दोलन गरिसकेपछि सरकारले मौलिकहक विपरित हुनेगरेर सहमति गरेकोमा आपत्ति जनाउँदै सहमतिका कतिपय विषय कार्यान्वयन गर्न नहुने उनको जिकिर छ ।
सिंहले विद्यालयका शिक्षक सतप्रतिशत खुल्ला प्रतिष्पर्धाका आधारमा नियूक्त गरिनु पर्ने माग राखिन् ।“माइतिघर मण्डलामा भिड जम्मा गरेर विद्यालय शिक्षा विधेयक प्रभावित पार्न पाइदैन, यति धेरै लाइसिन्स लिएका विद्यार्थिहरु छन् उनिहरुलाई समेत अन्याय हुनेगरी शतप्रतिशत आन्तरिक प्रतिष्पर्धा गर्नु गलत हुन्छ ।”,उनले भनिन्“हाम्रो शिक्षालाई राजनीतिक अखडा बनाउनु हन्न, शिक्षकको नियूक्ति खुल्ला प्रतिष्पर्धाबाट हुनुपर्छ, यदि मागहरु सरकारले संबोधन नगरे सडक संघर्षमा जान बाध्य हुने छौं ।”
शिक्षा क्षेत्रमा राज्यको लगानी अभिवृद्धि गर्दै शिक्षामा भएको निजी क्षेत्रको लागनी नियमन र सेवामुलक बनाउनु पर्नेमा राज्यले केही मुठ्ठीभर माफियाहरुको स्वार्थका लागि सरकार उत्तरदायीत्वबाट पन्छिएको भन्दै आपत्ति जानाइन् ।
सो संगठनका उपाध्यक्ष नरेश रेग्मीले सार्बजनिक विद्यालयमा पढाउने शिक्षकहरुले आफ्ना छोराछोरीलाई निजी विद्यालय भन्दा पनि अनिबार्यरुपमा सार्बजनिक विद्यालयमै पढाउने व्यवस्था जरुरी रहेको बताए ।
