अनलाइन डबली
काठमाडौँ । नेकपा (एमाले) झापा जिल्ला अध्यक्ष हिक्मत कार्कीको घर अगाडि शंकास्पद फेला परेको छ । प्रदेश १ का पूर्वमन्त्री
समेत रहेका कार्कीको घर अगाडि शुक्रबार विहान प्रेसर कुकरमा बम राखिएको हो ।
झापाको गौरादह नगरपालिका ३ गौरादह बजारस्थित कार्कीको घर अगाडि विहान साढे ५ बजे प्रेसर कुकर फेला परेको थियो । प्रेसर कुकरमा तार बेरेर राखेको अवस्थामा भेटिएपछि घर परिवारसँगै स्थानीय त्रसित बनेका थिए ।
अहिले कार्कीको घरमा प्रहरी र नेपाली सेनाको टोली पुगेको छ । शंकास्पद वस्तु निष्कृय पार्ने तयारी भइरहेको छ । कार्की आफैले घर अगाडि शंकास्पद बस्तु राखिएको भनेर प्रहरीलाई खबर गरेका थिए । नेता कार्की भने घरमा थिएनन् । परिवारलाई उनलाई खबर गरेका थिए ।
कार्कीका अनुसार विहान करिब ४ बजेतिर लाइट नबाली आएको एउटा मोटरसाइकलमा चढेका व्यक्तिले शंकास्पद वस्तु राखेर गएका थिए । मोटरसाइकलको आवाज आएको परिवारका सदस्यहरुले बताएका छन् ।
उक्त शंकास्पद बस्तु कसले र किन राख्यो भन्ने खुलेको छैन । यसबारे प्रहरीले अनुसनधान सुरु गरिसकेको बताइएको छ ।
