काठमाडौं । राजधानी काठमाडौंमा बुधबार विहान साढे ३ बजेको आसपास टिपरले मोटर साइकल चालकको ज्यान लिएको महानगरीय प्रहरी वृत्त कालीमाटीले बताएको छ । वृत्तका अनुसार कलंकीमा टिपरको बा ५ ख ७३४५ नम्बरको टिपरले विपरित दिशाबाट आइरहेको बा ८० प ६३७३ नम्बरको मोटरसाइकललाई ठक्कर दिदा मोटरसाईकल चालकको मृत्यु भएको थियो ।
दुर्घटनापछि मोटरसाइकल चालक दिवाकर अधिकारीलाई उपचारका लागि महाराजगन्जस्थित त्रिवि शिक्षण अस्पताल पु¥याइएको थियो । धादिङ धुनिवेशी नगरपालिका–२ का उनको उपचारका क्रममा अस्पतालमै मृत्यु भएको परिवार स्रोतले बताएको । टिपर र टिपर चालक लीलाबहादुर तामाङलाई नियन्त्रणमा लिएर घटनाबारे अनुसन्धान भइरहेको प्रहरीले जनाएको छ ।
यसरी राजधानीमा टिपर आतंकले अन्य सवारी चालकहरुलाई हैरान बनाइरहदा पनि सरकारले त्यसकिसिमको दुर्घटना बारम्बार किन हुन्छ र कसरी नियन्त्रण गर्ने प्रभावकारी कार्ययोजना ल्याउन सकेको छैन । यस अघि पनि राझधानी काठमाडौंमा बारम्बार टिपरको सिकार २ पाङ्गे्र सवारी चालक नै बनिरहेका छन्् । विज्ञहरुका अनुसार टिपरको अगाडीको भाग अलि लाम्चो भएका कारण चालकले नदेखेर दुर्घटना हुने बताईए पनि टिपर चालकहरु बढि लापरबाह भएर घटना हुने गरेको आरोप पीडितका परिवारको छ ।
फोटो: फाइल
