काठमाडौँ । प्रधानमन्त्री केपी शर्मा ओलीले विश्वासको मत नलिने भएका छन् । आज बसेको मन्त्रिपरिषद बैठकले विश्वासको मत प्राप्त हुने आधार नभएको भन्दै नयाँ सरकार गठनको लागि मार्ग प्रसस्त गर्ने निर्णय गरेको छ ।
मन्त्रिपरिषद् बैठकको निर्णयअनुसार नयाँ सरकार गठनको लागि मार्ग प्रशस्त गरेको राष्ट्रपति विद्यादेवी भण्डारीलाई सिफारिस गरिएको थियो । राष्ट्रपति भण्डारीले जेठ ७ गते बेलुकी ५ बजेसम्म संविधानको धारा ७६ उपधारा ५ बमोजिम नयाँ सरकार गठनको दाबी प्रस्तुत गर्न आह्वान गरेकी छिन् ।
प्रधानमन्त्री ओलीले ३० दिनभित्र विश्वासको मत लिनु पर्ने थियो ।
जनता समाजवादी पार्टीले सरकारमा नजाने निर्णय गरेसँगै ओलीले विश्वासको मत पाउने सम्भावना गुमेको थियो । जसपाको महन्थ ठाकुर पक्षले विश्वसको मत लिने प्रधानमन्त्रीले अपेक्षा गरेका थिए । तर, जसपाले आन्तरिक विवाद अस्थायी रुपमा भएपनि समाधान गरेर आफ्नो नेतृत्वमा बन्ने अवस्थामा मात्रै सरकारमा जाने निर्णय गरेको थियो ।
पार्टीकै नेता माधव कुमार नेपाल समूहसँग विवाद पनि नटुंगिएको अवस्थामा प्रधानमन्त्री ओली विश्वासको मत नपाउने निष्कर्षमा पुगेर यो निर्णय गरेका हुन् ।
आजै सर्वोच्च अदालतले माओवादीबाट एमालेमा प्रवेश गरेर मन्त्री भएका सातै जनाको नियुक्ती बदर गर्न अन्तरिम आदेश दिएको थियो । उता राष्ट्रियसभा निर्वाचनमा एमाले उम्मेदवार रामबहादुर थापा बादलले पराजित भएका थिए भने पार्टीकै नेताले तर स्वतन्त्र उम्मेदवारी दिएका खिमलाल देवकोटाले विजयी भएका छन् । देवकोटा माधव कुमार नेपाल समूहबाट उम्मेदवारी दिएका थिए ।
यस्तो पत्र
