काठमाडौँ । सरकारले कोरोना संक्रमितका निशुल्क उपचार गर्न नसक्ने भन्दै बिरामीको उपचार स्वंयमले गर्नुपर्ने र मृतुनै भए परिवारले शव ब्यवस्थापन गनुपर्ने भनेपछि जनस्तरबाट सरकारको ब्यापक आलोचना भ्एको थियो ।
यसैचि आज अपरान्ह चार बजे मन्त्रिपरिषद् बैठक बस्दैछ । सोमबार र बिहीबार नियमित रुपमा बस्दै आएको बैठक यो पटक सोमबार नबसेर मंगलबार बस्न लागेको हो ।
एक सा्रेतका अनुसार सरकारले कोरोना परीक्षण तथा उपचार नागरिक आफैले गर्नुपर्ने निर्णयको सर्वत्र विरोध र आलोचना भएपछि उक्त निर्णयबारे छलफलपछि पुनर्विचार गर्ने सम्भावना रहेको छ ।
त्यसेगरी बालुवाटार स्रोतले पनि भनेको छ ‘उपचार तथा परीक्षणमा शुल्क लिने निर्णयको आलोचना र विरोध भयो । सम्भवतः यो निर्णयमा पुनर्विचार हुन्छ भनेर जानकारी गराएको छ ।
प्रधानमन्त्रीको सरकारी निवास बालुवाटारमा बस्ने बैठकमा कोरोना उपचारबारेको निर्णयमा पुनर्विचार गर्नसक्ने एक मन्त्रीले जानकारी दिए । उनले बैठकका एजेण्डा प्राप्त भैनसकेको भन्दै केही महत्त्वपूर्ण निर्णय गर्न सक्ने बताए ।
