काठमाडौै । स्वास्थ्य तथा जनसंख्या मन्त्रालयले धुलिखेल अस्पतालमा ममृत्यु भएको महिला कोरोना संक्रमित भएको बताएको छ । यसअघि पुष्टि हुन बाँके भन्दै आएको मन्त्रालयले राति ८ः ५० सूचना जारी गरेर कोरोनाबाट मृत्यु भएको पहिलो घटना भनेको छ ।
सिन्धुपाल्चोक बाह्रेबिसेकी २९ वर्षीया महिलाको कोभिड-१९ बाट मृत्यु भएको स्वास्थ्य तथा जनसंख्या मन्त्रालयले पुष्टि गरेको हो ।
मन्त्रालयका सहप्रबक्ता डा. समिरकुमार अधिकारीका अनुसार ती महिला १० दिनअघि त्रिवि शिक्षण अस्पतालमा नर्मल डेलिभरी भएको थियो । आमाछोरा दुबैको स्वास्थ्य सामान्य थियो र उनीहरू २५ गते डिस्चार्ज भएर घर फर्किएका थिए ।
मन्त्रालयले जारी गरेको विज्ञप्तिमा बाह्रबिसे प्राथमिक स्वास्थ्य केन्द्रमा उपचार गर्दा पनि निको नभएपछि धुलिखेल अस्पताल ल्याउने क्रममा बाटैमा उनको निधन भएको छ ।
ती महिलाको राष्ट्रिय जनस्वास्थ्य प्रयोगशालामा गरिएको परीक्षणमा पनि उनको रिपोर्ट पोजेटिभ आएपछि मन्त्रालयले पुष्टि गर्दै कोरोनाबाट पहिलो मृत्यु घटना भएको बताएको छ ।
