काठमाडौं । हैदराबाद प्रहरीले गोली हानेर मारिदिएका ४ जना संदिग्ध बलात्कारीको शव सुरक्षित राख्न भारतीय अदालतले आदेश दिएको छ ।
प्रहरीको इन्काउन्टरमा मारिएका ४ जनाले २७ वर्षिय १ जना पशु-चिकित्सक युवतीलाई बलात्कार गरी जलाएर मारेका थिए ।
सो अपराधमा संलग्न चारै जनालाई प्रहरीले समातेर गोली हानी मारिदिएको थियो । बलात्कार गरी डाक्टर जलाउने चारै जनालाई प्रहरीले गोली ठोक्यो हत्या र बलात्कारमा संलग्नहरुलाई प्रहरीले गत शुक्रबार बिहानै फर्जी इन्काउन्टरमा मारिदिएको थियो ।
संदिग्धहरुको हत्यापछि भारतभर यो घटनाको पक्ष र विपक्षमा बहसहरु भएका छन् । यही मेसोमा तेलङ्गना उच्च अदालतले मारिएका सबैको शव भोली सोमबार राती ८ बजेसम्म सुरक्षित राख्न आदेश दिएको हो ।
महिला र मानवअधिकारका क्षेत्रमा काम गर्ने भनिएका संस्थाहरुले यस मामिलालाई लिएर अदालतमा याचिका दायर गरेका छन् । सो याचिकामाथि अदालतले भोली सुनुवाई गर्दैछ ।
संदिग्ध चारै जनालाई मारिदिएपछि प्रहरीमाथि गैरन्यायिक हत्या गरेको आरोप लागेको छ ।
