काठमाडौं । गोरु चोरेर काट्ने ४ जना अचानो र खुकुरीसहित पक्राउ परेका छन् ।
मध्यपुरथिमी नगरपालिका वडा नं.१ स्थित मनोहरा खोला किनारमा गोरु काटिरहेको अवस्थामा प्रहरीले ४ जनालाई पक्राउ गरेको हो ।
पक्राउ पर्नेमा पाँचथर फिदिम नगरपालिका-६ का ४२ वर्षिय जगतकुमार थापामगर, ८ का ३३ वर्षिय नरेश लिम्बु, त्यही ठाउँका ३७ वर्षिय बसन्त लिम्बु र याङवरक गाउँपालिका-२ का ४४ वर्षिय सागर भन्ने सन्तकुमार बेघा रहेका छन् ।
उनीहरुले गोठमा बाँधेको गोरु चोर खोला किनारमा लगेर काटेको प्रहरीले जनाएको छ । उनीहरुको साथबाट काठको विड सहितको दाउ १ थान, फलामको विड भएको दाउ १ थान, प्लाष्टिकको विड भएको छुरी १ थान, फलामको विड भएको छुरी १ थान र काठको अचानो १ थान बरामद भएको प्रहरीले जानकारी दिएको छ ।
उनीहरुलाई पशुपंक्षी सम्बन्धी कसुर ऐन अनुसार कारबाही प्रकृया अगाडि बढाइएको छ ।
