नुवाकोट । बट्टार बजारमा बसले किच्दा एक बालकको मृत्यु भएको छ ।
तारकेश्वर गाउँपालिका-६ गोस्र्याङ घर भएका ६ वर्षिय युनिक तामाङको बुधबार दिउँसो केरुङ यातायातको बा ४ ख ७५०४ नं.को बसले किच्दा ज्यान गएको प्रहरीले जानकारी दिएको छ ।
बालकको घटनास्थलमै ज्यान गएपछि आक्रोशित स्थानीयले चालकलाई सख्त घाइते हुने गरी कुटपिट गरेका छन् भने बस तोडफोड गरि क्षति पुर्याइएको छ । घाइते चालकको स्थानीय स्वास्थ्य संस्थामा उपचार भइरहेको छ ।
मृतकका आफन्तले बस जलाउने प्रयास गरेपछि भीड तितरबितर पार्न प्रहरीले ५ सेल अश्रुग्यास प्रहार गरेको थियो । मृतकका आफन्तले दोषीलाई कडा करबाही र पीडित परिवारलाई उचित क्षतिपूर्ति दिन माग गरेर बट्टार बजार बन्द गरेका छन् ।
