काठमाडौं । चितवनमा नगदसहित ७ जना जुवाडे पक्राउ परेका छन् ।
प्रहरीका अनुसार भरतपुर महानगरपालिका-२ बालकुमारी रोडबाट मङ्गलबार जुवातास खेल्ने र खेलाउने ७ जनालाई नगदसहित पक्राउ गरेको हो ।
तनहुँ घर भई भरतपुर-२ मा डेरा गरी बस्ने ३५ वर्षिय राजेशकुमार विकले सोही घरको तेस्रो तलाको आफ्नै कोठामा जुवातास खेलाइरहेको अवस्थामा प्रहरीको टोलीले पक्राउ गरेको हो ।
पक्राउ पर्नेमा भरतपुर महानगरपालिका-२ का ३५ वर्षिय राजेश विक, भरतपुर-१ का ३५ वर्षिय कपिल गुरुङ, भरतपुर-१ कै ३५ वर्षिय सरोज पोखरेल, भरतपुर-२ क्षेत्रपुरका ३१ वर्षिय विशाल लामा, गैँडाकोट-९ का ३४ वर्षिय कर्म गुरुङ, भरतपुर- का ३५ वर्षिय राजन ठकुरी र लमजुङका ३२ वर्षिय एडेन गुरुङ रहेको प्रहरीले जनाएको छ ।
उनीहरुबाट ७८ हजार ५०५ सहित नियन्त्रणमा लिई कानूनी कारवाही अगाडि बढाएको प्रहरीले जनाएको छ ।
