काठमाडौं । रेडियो नेपालबाट निष्कासित ३ जना पत्रकारहरु पुनर्वहालीको लागि नेपाल पत्रकार महासंघका ६ जना पुर्व सभापतिहरुले महासंघलाई गम्भिर हुन ध्यानाकर्षण गराएका छन् । उनिहरुले शनिबार एक संयुक्त प्रेस विज्ञप्ति जारी गर्दै रेडियो नेपालको कदम खारेजीको विकल्प नभएको निष्कर्स निकालेका छन् ।
पूर्व सभापतिहरु तारानाथ दाहाल, डा.सुरेश आचार्य, हरिहर विरही, विष्णु निष्ठुरी, किशोर नेपाल र धर्मेन्द्र झाले रेडियो नेपाल दिपायल प्रसारण केन्द्रबाट निष्कासित सुनिता रावल, प्रकाश बम र चक्र कुँवरको श्रमजीवि अधिकार हनन् गर्ने कदम खारेज गर्न कडा आन्दोलनमा जानुपर्ने भन्दै ध्यानकर्षण पत्रमा भनिएको छ,“पुनर्वहालीको आन्दोलनप्रति ऐक्यवद्धता मात्र हैन, महासंघ केन्द्रीय समितिलाई अझ गम्भीर हुन र सशक्त आन्दोलनमा जान ध्यानाकर्षण गर्दछौं ।”
निष्कासित पत्रकारहरुको पुनर्वहालीका निम्ति आन्दोलनलाई निष्कर्षमा पुर्याउनैपर्ने महासंघको अभियानलाई साथ दिन तयार रहेको उनिहरुले पत्रमा उल्लेख गरेका छन् । क्रान्तिकारी पत्रकार संगठनका केन्द्रीय उपाध्यक्ष तथा नेपाल पत्रकार महासंघका केन्द्रय सदस्य जन्मदेब जैसिले ६ जना पूर्व सभापतिहरुको सुझावलाई सकारात्मक लिदै आन्दोलनलाई थप मदत पुग्ने धारणा राखे ।
