काठमाडौं । सिंहदरबारस्थित पुतली बगैँचामा संघीय संसदको नयाँ भवनको शिलान्यास कार्य्रकममा बोल्दै प्रधानमन्त्री केपी शर्मा ओलीले भ्रष्टाचारविरुद्ध सरकारले अब कडा कदम चाल्ने बताएका छन् ।

उनले भने,‘अब हामी बहकिनु हुन्न, राजनीतिक आन्दोलन सकिएको छ, अब विकास र समृद्धिमा अगाडि बढ्नुपर्छ, भ्रष्टाचारको विरोधमा जानुपर्ने हुन्छ । भ्रष्टाचारमा संलग्न कसैलाई पनि छोडिने छैन । सरकार भ्रष्टाचारप्रति शून्य सहनशीलता लिएर अघि बढ्छ ।’

फरक प्रसंगमा उनले भने, ‘पछिल्लो समय गणतन्त्रमाथि खतरा भएको हल्ला चलाइएको बताउँदै त्यस्तो भएमा सरकार चुप लागेर नबस्ने दाबी गरे । केही मान्छेहरू देशलाई प्रतिगमनमा फर्काउन सकिन्छ कि भनेर लागेका छन् ।’

लोकतन्त्र र गणतन्त्रमाथि खतरा आयो भने सरकार चुप लागेर बस्दैन । गणतन्त्रमाथि जोखिम भएमा सरकारले नियन्त्रणकारी भूमिका खेल्ने बताए ।