संखुवावासभा । खाँदबारीबाट २ जना बिरामी लिएर गएको बोलेरो गाडी अक्करको भीरबाट अरुण नदीमा खस्दा ६ जना बेपत्ता भएका छन् ।
धर्मदेवी नगरपालिकाको अक्करको भीरमा मंगलबार राति १० बजे को १ ज ३७४९ नम्बरको बोलेरो गाडी दुर्घटना भएको हो ।
गाडी चालक सन्तोष विकसहित ६ जना बेपत्ता भएका छन् । गाडीमा खाँदबारी-९, का प्रमेश थापामगर र उनकी भाउजु कल्पना थापामगर बिरामी दुई महिनाको बच्चा समिर श्रेष्ठ, उनका बुबा आमा संगम श्रेष्ठ र सदीक्षा श्रेष्ठ बेपत्ता भएका छन् ।
बिरामीको खाँदबारीमा उपचार हुन नसकेछि थप उपचारका लागि वीपी मेमोरियल स्वास्थ्य विज्ञान प्रतिष्ठान धरान लैजाने क्रममा गाडी दुर्घटाना भएको हो ।
रातको समयमा दुर्घटना भएकाले बेपत्ताको खोजी कार्य हुन सकेको छ्रैन । अरुण खोलामा बाढीआएका कारण उनीहरुको खोजीमा समेत समस्या भएको छ ।
गाडी खाँदबारी-१ का राजनारायण लिम्बुको रहेको खुलेको छ । संखुवासभा प्रहरीले घटनाबारे जानकारी भएको र त्यसबारे विस्तृत विवरण आउन बाँकी छ ।
