काठमाडौं । राजधानीमै दुई बालिका बलात्कृत भएकी छन् । त्यो पनि बसभित्रै । काठमाडौंको
बालात्कारको शिकार भएकी बालिका काठमाडौंको तारकेश्वर नगरपालिका–१० मनमैंजु चोकमा घाइते अवस्थामा फेला परेका थिइन् । प्रहरीले अनुसन्धन गरेपछि उनीसहित दुई बालिका बसभित्रै बलात्कार भएको पत्ता लागेको हो ।
मनमैंजु चोकमा भेटिएकी ११ बर्षीय बालिकालाई महानगरीय प्रहरी बृत्त बालाजुबाट खटिएको प्रहरीले उद्दार गरेर अस्पताल पुर्याएको थियो । स्वास्थ्य परीक्षणपछि बालिकामाथि बलात्कार भएको पुष्टी भएको थियो ।
बा ४ ख ८२ नम्बरको बसमा उनीसहित १ जना अर्की बालिकामाथि बलात्कार भएको अनुसन्धानको क्रममा पत्ता लागेको प्रहरीले बताएको छ ।
बालिकामाथि बलात्कारको अभियोगमा प्रहरीले बसका सहचालक ३६ वर्षीय एल्जित राईलाई पक्राउ गरेको छ । एल्जितले ११ वर्षीया बालिकामाथि बलात्कार गरेको मेडिकल परीक्षणबाट पुष्टि भइसकेको प्रहरीले जनाएको छ ।
अर्की १० वर्षीया बालिकामाथि पनि यौन दुर्व्यवहार गरेको देखिएको महानगरीय प्रहरी परिसर काठमाडौं स्रोतले जनाएको छ ।
