कञ्चनपुर । जिल्लाको दक्षिणी क्षेत्र जोड्ने सबै भन्दा छोटो दुरीमा रहेको दैजी बेलडाँडी सडक खण्ड अर्थात हुलाकी सडकको शुक्ला राष्ट्रिय निकुञ्जको क्षेत्रमा ट्रक दुर्घटना भएको छ ।
महेन्द्रनगर देखि बेलडाँडी चवन्नीका लागि हिडेको ना ७ ख २३९६ नं.को ट्रक बेलडाँडी क्याम्प देखि अन्दाजी २,३ किलोमिटर भित्र कच्ची सडकका कारण नहरमा खसेको छ ।
आज विहान ७ः३० बजे तिर नहरमा खसेको बेलडाँडी ट्रफिक प्रहरीले जानकारी गराएको छ । प्रहरीका अनुसार महेन्द्रनगर देखि विहान बेलडाँडी चवन्नीका लागि हिडेको ट्रक ड्राइभरको लार्पवाही र कच्ची सडकका कारण दुर्घटना भएको हुन सक्ने जनाइएको छ ।
दुर्घटना हुदा मानवीय क्षेत्री भने नभएको र चालक जय बहादुर थापालाई समान्य चोट लागेको छ । बेलडाँडी इलाका प्रहरी प्रमुख दान बहादुर रोकायाका अनुसार कसरी दुर्घटना भयो भन्ने विषयमा अनुसन्धान भइरहेको छ ।
ट्रक धनी तेज सिंह धामीका अनुसार ४२५ बोरा सिमेन्ट बोकेर बेलडाँडी आउदै गर्दा सडकबाट चिप्लेर नहरमा खसेको हुन सक्ने अनुमान छ । सडक समयमै निर्माण हुन नसक्दा यो भन्दा पहिले पनि धेरै दुर्घटना भएको स्थानीयले बताएका छन् ।
ट्रकका सहचालक सुखा रानाका अनुसार टिप्पर क्रस हुँदा धुलो उडेकाले ड्राइभरले बाटो नदेख्दा गाडी नहरमा गएको हो ।
