अछाम । जिल्लाको साँफेबगर नगरपालिका-२ को झकालेमा आज बिहान बस दुर्घटना हुँदा १५ घाइते भएका छन् भने चारको अवस्था गम्भीर रहेको छ ।

महेन्द्रनगरबाट बाजुराका लागि छुटेको पवनदूतको ना ७ ख २५६४ नं.को बस सडकबाट २५ मिटर तल खसेको छ । दुर्घटनामा घाइतेको उद्धार गरेर बयालपाटा अस्पतालमा उपचार शुरु गरिएको छ ।

बस विपरीत दिशाबाट आइरहेको अर्को सवारीसाधनलाई साइड दिने क्रममा सडक भासिँदा दुर्घटना भएको प्रहरीले जनाएको छ ।