काठमाडौं । पूर्व-पश्चिम राजमार्ग अन्तर्गत कपिलवस्तुको शिवराज नगरपालिकाको कैला खोला नजिकै आज (शुक्रबार) बिहान कार दुर्घटना हुँदा एक जनाको मृत्यु भएको छ ।
अर्का एक जना गम्भीर घाइते भएका छन् । कपिलवस्तुको चन्द्रौटा तर्फ जाँदै गरेको बा १४ च ८४४५ नं.को कार दुर्घटना हुँदा सवार रामपुर ६ दाङका ४७ वर्षिय तीर्थ आचार्यको मृत्यु भएको प्रहरीको भनाई छ ।
यसैगरी कारमा सवार लमही-८ दाङका २७ वर्षिय अनिलकुमार चौधरी गम्भीर घाइते भएका छन् । घाइते चौधरीको प्रादेशिक अस्पताल बुटवलमा उपचार भइरहेको छ । कार अनियन्त्रित भई सडकबाट करीब ६० मिटर तल खसेको प्रहरीले जनाएको छ ।
