अनलाइन डबलीहुम्लाको चंखेली गापाको पिप्लांग लोतीबाट मिमीतर्फ जान लागेको स्काभेटर एक सय मिटर तल खस्दा चालक सहित दुई जनाको ज्यान गएको छ । विकासे कामका लागि मुगु जिल्ला छाँयानाथ नपा १४का नन्दलाग बडुबालले स्काभेटरले भाडामा काम गर्दै आएको थियो ।
उक्त स्काभेटर दुर्घटना हुँदा चंखेली २का चालक ३१ वर्षका अर्जुन कामी र वर्ष ४५का परबल कामीको ज्यान गरेको जिल्ला प्रहरी कार्यालय हुम्ला स्रोतले जानकारी दिएको छ ।
उक्त स्काभेटर बिग्रेकाले केही दिनदेखि चंखेली गापाको केन्द्र पिप्लांग नजीकै लोतीमा रोकी राखिएको थियो । त्यसलाई चलाएर मिमी गाउँतिर लिन खोज्दा रोकी राखेको सडकसबाट एक सय मिटर तल खसेको छ । उक्त स्काभेटर प्रदेश २.०३.००१ क ९७५ नम्बर रहेको छ ।
२०८१ चैत्र ३१ गते बेलुका ८ बजेतिर स्काभेटर दुर्घटना हुँदा घाइते दुबै जनालाई एम्बुलेन्सबाट उद्धार गरेर श्रीमष्ठा स्वास्थ्यचौकी पिप्लांगमा उपचारको क्रममा मृत्यु भएको छ । पछिल्लो समय चंखेली गापा मात्र गाडी दुर्घटना भएर चार जनाको ज्या गएको छ ।
