
बर्दिया । नेपाल कम्युनिस्ट पार्टी (माओवादी केन्द्र) का अध्यक्ष प्रचण्डले जनयुद्धमा तत्कालिन राज्यले बेपत्ता पारेका योद्धा कृष्णबहादुर चौधरीको सालिक अनावरण गरेका छन् ।
हुलाकी राजमार्ग केन्द्रित ‘जनतासँग माओवादी तराई मधेस जागरण अभियान’ क्रममा बर्दिया पुगेका अध्यक्ष प्रचण्डले आज विहान बर्दियाको गुलरिया नगरपालिका–१२ बिक्री गाउँमा निर्माण गरिएको चौधरीको अनवरण गरेका हुन् ।
चौधरी माओवादीका बर्दिया संस्थापक समेत हुन् । चौधरीको छोरी जानकी चौधरी ‘अर्चना’ लाई पनि राज्यले बेपत्ता पारेको थियो ।
सालिक अनावरण अगाडि अध्यक्ष प्रचण्ड बेपत्ता चौधरीको परिवारसँग भेटघाट गरेका थिए ।
त्यसअघि प्रचण्डले मर्निङ वकका क्रममा बर्दिया बडैयाका सहिद परिवारसँग भेट गरेका थिए ।