ललितपुरको क्योञ्ज्योमसोम स्थित नल्लु पाथिभराको १३ औं ब्रम्होत्सव तथा गर्भगृहमा प्राण प्रतिष्ठा एक धार्मिक समारोहका साथ भएको छ । लगनखेलबाट लेले हुँदै १८ कि.मी.को दुरी पारगरी पुग्न सकिने नल्लु पाथिभरा वर्तमानमा धार्मिक पिकनिकस्पोटमा समेतमा विकसित हुदैगईरहेको छ । पुर्वी नेपाल ताप्लेजुङकी किराँतदेवी पाथिभराको दर्शन पुजन जान नसक्ने र जान चाहने भक्तजनका लागि सहज हुनेगरी २०६२ साल चैते दशैंमा हुवहु प्रतिकृति पाथिभराको मन्दिर स्थापना भएको हो ।

अभियानकर्ता रमेशकुमार श्रेष्ठ र हालकी कोषाध्यक्ष पुजन वस्नेतको संकल्पित अभियानमा स्थानिय जयबहादुर स्याङतानबाट तीन रोपनी जग्गादान प्राप्त भएपछि सो देवस्थल स्थापना भएको हो । स्थानिय समाजसेवी गणेश घलानको अध्यक्षता र चापागाउँ निवासी नेपालभाषाका प्रख्यात गायक तथा संगितकार जगमोहन कायस्थ वामीको साथ पाएपछि पाथिभरा पर्यटकिय हव बन्दै गईरहेकोछ । त्यसमाथि क्योञ्ज्योमसोम गाउपालिकाका तत्कालिन प्रमुख गोपिलाल सिन्तान , उपप्रमुख मिङमार लामाद्धारा वजेट विनियोजन भएपछि देवस्थलले तिर्थस्थलको रुप धारण गर्न ठुलो योगदान पुर्याएको स्थानियहरु बताउँछन् । फस्वरुप ललितपुरको नल्लु पाथिभराले ताप्लेजुङगकी पाथिभरा पुग्न नसक्नेकालागि दर्शन सहज बनाएको छ । १४ फिट अग्लो ढुङगाको नल्लु पाथिभरा देवस्थल पुग्न देविभक्तm ईन्द्रभक्त मानन्धरले देवीको दर्शनार्थ सिमेन्टको बाटो र गेट बनाईदिनुभई बाह« लाख रुपियाँ भन्दा बढीको योगदान दिनुभएको छ भने २७ लाख रुपियाँभन्दा बढीको लागतमा बन्ने गर्भगृह निर्माणका लागि १० हजार रुपियाँदेखि २५ हजार रुपियाँसम्म दान गर्नुहुने दाता भक्तजनहरुलाई सम्मान पत्र सहित अभिनन्दन गरिएको थियो । नल्लु पाथिभरा ब्यक्तिगत दान जग्गामा बनेको भएपनि सोही डाँडामा देवी थापना हुनुका बारे अनेक आख्यान प्रचलित रहेको पाईन्छ ।

अचम्मको एक आख्यानुसार , जव चैत्यदशैं, वडादशैं, बुद्ध जयन्तिको बेला नल्लु डाडाँमा मेला लाग्थ्यो, तव तव डाँडामाथि राति सेतो बाघ देखिन्थ्यो रे । त्यो बाघ देख्नेगरी भारदेवडाडाँबाट प्रकाशपुञ्ज देखापथ्र्याे रे । यी र यस्तै अलौकिकताले भरिपुर्ण आख्यान जडित ललितपुर नल्लुमा ताप्लेजुङगको प्रतिकृति पाथिभरा स्थापित पाथिभरासंगैको रुखमुनि दोपाया,चौपाया वलि दिई भाकल गराउँछन् । तर प्रतिकृति मुल पाथिभरा देवीस्थलमा बली दिईदैन । देवीको महिमालाई सुनेर यहाँ पुग्ने भक्तजन पर्यटकहरुलाई कोञ्ज्योमसोम त्रिदेवस्थल , शंखु छोर्तेन चैत्य र लेले मनकामनास्थललाई संयुक्तरुपमा पर्यटकिय भ्रमणको एउटा हबनै बन्ने बनाउने कार्य तिब्र रुपमा अगाडि बढ्दैछ । काठमाडौं उपत्यकाभित्रको दुर्गम कर्णाली भनिने क्योञ्ज्योमसोममा बर्तमानमा बर्तमान मेयर कृष्णलाल लामाको अगुवाईमा गाउँ गाउँ बाटो ,विजुली ,पानी ,सञ्चार एक साथ विस्तार भैरहेको पाईन्छ । यसस्थलमा पुग्नु भन्दा अगाडि हामीले ललितपुरको ऐतिहासिक बस्ती लेले उपत्यका र यस क्षेत्रमा प्रचलित चम्पकेश्वर महादेव ,टिका भैरव र मनकामना दर्शन गर्दै पुग्ने गरेको पाईन्छ ।