अनलाइन डबली
काठमाडौं । अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्की युक्रेनका तानाशाह बन्न खोजेको बताएका छन् । ट्रम्पले जेलेन्स्कीले तानाशाह भएको पुष्टि हुनेगरी युक्रेनमा व्यापक उपद्र मच्चाइरहेको बताएँ ।
युक्रेन युद्ध रोक्नेबारे रुस र अमेरिकाबीच पहिलो चरणको वार्ता भएको ट्रम्पले सार्वजनिक रुपमा जेलन्स्कीलाई तानाशाह बन्न खोजेको आरोप लगाएका हुन् ।
साउदीमा रुस र अमेरिकाबीच भएको वार्तापछि जेलेन्स्कीले ट्रम्प रुसले बनाएको गलत सूचना घेराबन्दीमा परेको आरोप लगाएका थिए । त्यसको जवाफस्वरुप ट्रम्पले चुनाव टारेर तानाशाह बन्न खोजेको बताउँदै सहयोग नगर्ने संकेत गरेका छन् ।
फेब्रुअरी २०२२ मा रुसले सैन्य कारवाही सुरुगरेपछि जेलेन्स्कीले सैन्य शासन लागू गरेर युद्ध लडिरहेका छन् ।
रुसका राष्ट्रपति भ्लोदिमिर पुटिन र ट्रम्प दुबै नेताले युक्रेनबारे हुने अन्तिम सहमति उसको सहभागितामा हुने बताइरहेको बेला जेलेन्स्कीको अभिव्यक्तिबाट ट्रम्प झन् रिसाएका बताइएको छ । युक्रेनलाई अमेरिकाले सहयोग गरेको तर केही नपाएको भन्दै सहयोग नगर्ने र गर्नैपरे सर्तसहित गर्ने ट्रम्पले बताउन थालेका छन् । केही दिन पहिले ट्रम्पले अमेरिकाले युक्रेनलाई सैन्य सहयोग गरेवापत खनिज खानी सुम्पिनुपर्ने समेत बताएका थिए ।
