अनलाइन डबली
काठमाडौँ । प्रधानमन्त्री केपी शर्मा ओलीले राजावादीहरुको प्रदर्शनपछिको घटनाको निष्पक्ष छानबिन हुने बताएका छन् ।
थाइल्यान्डको भ्रमण सकेर शनिबार स्वदेश फर्किएका प्रधानमन्त्री ओलीले विमानस्थलमा सञ्चारकर्मीसँग कुराकानी गर्दै चैत १५ गते काठमाडौंको तीनकुनेमा भएको प्रदर्शनपछिको घटनामा निष्पक्ष छानबिन हुने बताएका हुन् ।
प्रधानमन्त्री ओलीले सबै विषयमा न्यायिक छानबिनकै आवश्यकता नहुने बताउँदै निष्पक्ष छानबिन सरकारले गर्ने जिकिर गरे । ‘न्यायिक छानबिन नहुन पनि सक्छ, हुन पनि सक्छ । तर, छानबिन निष्पक्ष हुन्छ, प्रधानमन्त्री ओलीले भने ।
राजावादीहरूले गरेको प्रदर्शनमा भएको हिंसा र बल प्रयोगको विषयमा निष्पक्ष छानबिन हुने प्रधानमन्त्री ओलीले बताए । उनले यसका लागि न्यायिक छानबिन आवश्यक नहुन पनि सक्ने समेत बताए ।
एक अर्को प्रसंगमा प्रधानमन्त्री ओलीले शिक्षकहरु सरकारलाई विश्वास गरेर सडक आन्दोलनमा उत्रिएको बताउँदै भने, ‘शिक्षकहरूलाई म धन्यवाद भन्न चाहन्छु किनभने सरकारमाथि विश्वास गरेर उहाँहरू यो प्रदर्शनमा आउनुभएको छ । नत्र पहिले प्रदर्शन गर्नुहुन्न थियो । किनभने प्रदर्शन गर्यो गर्यो कानमा बतास लाग्दैन भन्ने किन प्रदर्शन गर्ने रु यसपटक आवाज उठाएपछि सरकारले सुन्छ भन्ने विश्वास भएर आउनुभएको हो ।’
