अनलाइन डबली
काठमाडौं । नेपाली कांग्रेसका नेता रामचन्द्र पौडेलकी छोरी संज्ञा पोखरेल घरको चार तलामाथिबाट खसेर गम्भीर घाइते भएकी छन् ।काठमाडौंको बनस्थलीस्थित आफ्नै घरको चौथो तलाबाट सोमबार बिहान लडेर पोखरेल गम्भीर घाइते भएकी हुन् ।
पारिवारिक स्रोतका अनुसार राष्ट्रिय ट्रमा सेन्टरमा उपचार गराइरहेकी संज्ञा खतरामुक्त भइसकेकी छैनन् । संज्ञाको आइसीयूमा उपचार भइरहेको अस्पतालका निर्देशक डा. प्रमोद जोशीले संचारमाध्यमलाई जानकारी दिएका छन् ।
घटना लगत्तै सुरुमा संज्ञालाई सोमबार बिहान मनमोहन अस्पताल लगिएको थियो । ट्रमा सेन्टर ल्याइपुर्याउदा पनि बेहोस अवस्थामै रहेकी संज्ञका घाँटीको नशा खोलेर औषधि दिएको अस्पतालले जनाएको छ । उनको हातको नसाबाट औषधि दिन नमिलेको थिएन ।
संज्ञाका मुखको दाँतका सबै हर्डीहरु र कम्मर, हातखुट्टाका हड्डीहरु भाँचिएका छन् । शरीरका धेरै ठाउँमा चोट लाग्नुको साथै हड्डीहरु बाँचिएका छन् । संज्ञा अहिले होस आएको अस्पतालले जनाएको छ ।
