काठमाडौँ । प्रभु लाइफ इन्स्योरेन्स लिमिटेडको अध्यक्षमा सुभाष अमात्य चयन भएका छन् । बुधबार बसेको संचालक समितिको बैठकले संस्थापक शेयरधनीहरुबाट संचालकमा प्रतिनिधित्व गरेका अमात्यलाई संचालक समितिको अध्यक्षमा चयन गरेको हो ।
नवनियुक्त अध्यक्षले आजै बीमा समितिका अध्यक्ष सूर्य प्रसाद सिलवालबाट सपथ ग्रहण गरी कार्यभार समालेका छन् । यसअघि अध्यक्ष रहेका डा.आत्माराम घिमिरेले २०७८ चैत्र १६ गते देखिनै लागु हुने राजिनामा दिएका थिए । उनले व्यक्तिगत कारण देखाई दिएको राजिनामा स्वीकृत गर्दै संचालक समितिले नयाँ अध्यक्ष चयन गरेको प्रभु लाइफ इन्स्योरेन्स लिमिटेडले जानकारी दिएको छ ।
२०७४ मंसिर २८ गतेबाट संचालनमा आएको यस कम्पनीले देशभरका १०० वटा शाखा÷उपशाखा कार्यालयहरुबाट जीवन बीमा व्यवसाय संचालन गर्दै आइरहेको छ ।