आज :

एकीकृत समाजवादीको केन्द्रीय कमिटी बैठक आजपनि, एमसीसीको विरोध गर्नेलाई कारवाही

काठमाडौं । नेकपा (एकीकृत समाजवादी) को जारी केन्द्रीय कमिटीको बैठक आज पनि बसिरहेको छ । बुधबारबाट सुरु भएको बैठकमा अध्यक्ष माधव कुमार नेपालले पेश गरेको राजनीति प्रतिवेदनमाथि आज समूहगत रुपमा छलफल हुनेछ ।

बैठकमा अध्यक्ष नेपालले पछिल्लो राजनीतिक घटनाक्रमको समीक्षा र भावी कार्ययोजना समेटिएको राजनीतिक प्रतिवेदन पेस गरेका छन् । त्यस्तै, एमसीसी र चुनावबारे पनि प्रतिवेदनमा समेटिएको नेताहरुले बताएका छन् ।

प्रतिवेदनमाथि नौ वटा समूह बनाएर छलफल सुरु भएको छ । छलफलका लागि केन्द्रीय सदस्यलाई सात प्रदेश, उपत्यका विशेष र केन्द्रीय विभाग तथा मोर्चा संगठनमा विभाजन गरिएको छ ।

पहिलो दिनको बैठकमा अध्यक्ष नेपालले एमसीसीविरुद्ध नबोल्न नेता कार्यकर्तालाई निर्देशन दिएका थिए । उनले सामाजिक संजालमा लेखिएका एमसीसी विरोधी स्टाटस मेटाउन समेत भनेका थिए । त्यस्तै तीनवटै चुनावमा गठबन्धन मिलेर जाने सहमति भइसकेको बताएका थिए । उनले आफ्नो पार्टी एक्लै चुनावमा जाने कल्पना नगरेको समेत बताएका थिए ।

अध्यक्ष नेपालले पार्टीको राजनीतिक भविष्य निर्धारणको आधार भएकाले अहिलेको सत्ता गठबन्धन र सहकार्यलाई स्थानीय तह, प्रतिनिधिसभा र प्रदेशसभा चुनावसम्म कायम राख्नुपर्नेमा बताएका थिए ।

पार्टीका प्रवक्ता जगन्नाथ खतिवडाका अनुसार बैठकमा पार्टीको भावी कार्ययोजनासँगै सदनबाट पारित अमेरिकी सहयोग अनुदान एमसीसी र  चुनाव, सत्ता सहकार्य, गठबन्धनबारे समूहगत धारणा पेश गरिनेछ ।

पार्टीका सम्मानित नेता झलनाथ खनालले एमसीसी संसदबाट पास गरेपछि पार्टी विभाजनको चेतावनी दिएका थिए । तर, विहीबारको बैठकमा खनालले व्याख्यात्मक घोषणालाई एमसीसीको अंग बनाइनु पर्ने धारणा राखे । खनालले बैठकमा एमसीसीको विपक्षमा पत राख्ने अनुमान गरिएपनि व्याख्यात्मक घोषणालाई सफलता भएको भन्दै सम्झौताको अंग बनाइनु पर्ने धारणा राखे ।

बैठकमा एमसीसी विरोधमा सार्वजनिक अभिव्यक्त दिए अनुशासनको विषय बनाउने अध्यक्ष नेपालले चेतावनीलाई खनालले पनि समर्थन गरेका छन् । अब एकीकृत समाजवादीका नेता कार्यकर्ताले एमसीसी विरुद्ध बोले कारवाही हुने नेताहरुले बताएका छन् ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal