काठमाडौँ । प्रतिनिधिसभा बैठक स्थगित भएपनि बानेश्वर क्षेत्रमा तनाव कायमै छ । प्रहरीले बल प्रयोग परेपछि अहिले ठाउँठाउँमा झडप भइरहेको छ । प्रहरीले रबलको गोली प्रहार गर्नुको साथै अश्रृग्यास प्रहार गरिरहेको छ ।
एमसीसीविरुद्ध आन्दोलनमा उत्रिएका युवाहरुले पनि प्रहरीमाथि ढुंगा र इटा हानिरहेका छन् । यो समाचार तयार पर्दैगर्दा वानेश्वरको बुद्धनगर जाने बाटो (अल्फाबेटा) नजिकै प्रहरीको गोली लागेर एक आन्दोलनकारीका टाउको फुटेको छ । स्थायी ठेगाना नखुलेको हेमराजको टाउँको फुटेर गिदी बाहिर निस्किएको प्रत्यक्षदर्शीले बताए ।
प्रहरीले लखेट्दै सडकमै ढलाएपछि हेमराज अवस्थी बेहोस भएका थिए । उनको एभरेष्ट अस्पतामा उपचार हुन नसकेपछि ट्रमा सेन्टर रिफर गरिएको एक आन्दोलनकारी युवाले बताए । अहिलेसम्म हेमराज बेहोसमै भएको एक आन्दोलनकारी युवाले बताए ।
संसद बैठक स्थगित भएपनि शान्तिपूर्ण नारा लगाइरहेका प्रदर्शनकारीमाथि प्रहरीले बल प्रयोग गरेपछि झडप सुरु भएको थियो । नयाँबानेश्वरलेखि बबरमहलसम्म रणमैदानमा परिणत भएको छ ।
आज वानेश्वरमा सत्तारुढ नेकपा माओवादी केन्द्रको युवा संगठन वाइसिएल, अखिल क्रान्तिकारी, नेकपा एकीकृत समाजवादीका भातृ संगठन, राप्रपा नेपाल, नेकपा क्रान्तिकारी माओवादीसहितका ६ दल र पूर्व सुरक्षाकर्मी परिषदले पनि विरोध प्रदर्शन गरेका थिए । त्यस्तै, नेपाल मजदूर किसान पार्टीले पनि आज वानेश्वरमा प्रदर्शन गरेको थियो ।
प्रहरीले गो ली चलाएपछि अहिले आन्दोलनकारी केही तितरबितर भएका छन् । अमेरिकी सहयोग परियोजना एमसीसी सम्झौता संसदमा पेश भएको विरोधमा नयाँ बानेश्वरमा भएको प्रदर्शनमा झडप भएको छ । प्रदर्शनकारी संसद भवनतर्फ अघि बढ्ने क्रममा प्रहरीसँग झडप भएको हो ।
