दाङ । तुलसीपुरस्थित एक जुत्ता गौदामा आगलागी भएको छ । दाङको तुलसीपुरस्थित जुत्ता-चप्पलको गोदाममा बिहीबार रातिदेखि लागेको आगलागी योसमाचार तयार पार्दासम्म नियन्त्रणमा आउन सकेको छैन ।
तुलसीपुर उपमहानगरपालिका– ५ ‘ङ’ लाइनस्थित ‘इरम फुटवेयर’ जुत्ता-चप्पल गोदाममा भइरहेको लागी प्रहरीले नियन्त्रणमा ल्याउने प्रसाय गरिरहेको छ ।
दाङ प्रहरीका अनुसार आगलागीबाट ५ जनाको मृत्यु भएको छ । घरभित्र बसेका उनीहरुको आगो र धुँवाको रात तथा तापले समयमा उद्दार हुन नसक्दा मृत्यु भएको प्रहरीले जनाएको छ ।
राति गस्तीमा गएको प्रहरीले आगो लागेको देखेको थियो । दमकलसहित प्रहरी उक्त घरमा पुग्दा आगो धेरै फैलिसकेकोले नियन्त्रणमा ल्याउन कठिन भएको बताइएको छ । घर मालिक काठमाडौं बस्दै आएकोले उक्त गोदाम कसको हो भन्नेबारे खुलेको छैन ।
प्रहरीका अनुसार विद्युत मिटर पड्किदा आगलागी भएको हो ।