काठमाडौं । प्युठानमा बेहली लिएर फर्किँदै गरेको जीप दुर्घटना हुँदा ८ जनाको ज्यान गएको छ । प्रहरीका अनुसार ओखरपाटामा भएको दुर्घटनामा ६ जनाको घटनास्थलमै र २ जनाको उपचारको ज्यान निधन भएको हो ।
ज्यान गुमाउनेमा पाँच जना महिला र तीन पुरुष रहेका छन् । ज्यान गुमाउनेमा गौमुखी गाउँपालिका-६ लिवाङका ३९ वर्षीय बसन्त खड्का र छोरी ११ वर्षीया एलिसा खड्का, ४० वर्षीया बसन्ती खड्का, २९ वर्षीय केसरी खड्का, ३२ वर्षीय खिमबहादुर खत्री, ५२ वर्षीया नन्दी खड्का, २२ वर्षीया विपना जिसी र ५० वर्षीय चालक बलबहादुर बुढामगरको घटनास्थलमै ज्यान गएको छ ।
घटनामा परी बेहुला-बेहुलीसहित दुर्घटनामा पाँच जना घाइते भएका छन् । बेहुला २५ वर्षीय दानबहादुर खड्का र बेहुली २० वर्षीय रिमा जिसी रहेका छन् । त्यस्तै २५ वर्षीय साबित्रा जिसी, गौमुखी गाउँपालिका-६ लिवाङका १७ वर्षीय नरेश खड्का, र २१ वर्षीया हरि बुढामगर रहेका छन् । उनीहरु सबै नौबहिनी गाउँपालिका हुन् ।
- फाइल फोटो
