News Portal

  • नेपालमा कोरोना भयाभह बन्दै, आज २२५ जनाको मृत्यु, ९४८३ जनामा संक्रमण पुष्टि

    डबली संवाददाता२०७८ बैशाख २८ गते
    १९९ पटक

    काठमाडौं । नेपालमा कोरोना भाइर संक्रमण भयाभह बन्दै गएको छ । मंगलबार अहिलेसम्मकै धेरै २२५ जनाको ज्यान गएको छ ।

    स्वास्थ्य तथा जनसंख्या मन्त्रालयका अनुसार गएको २४ घण्टामा देशभर २२५ जनाले ज्यान गुमाएका छन् । उनीहरुको नेपाली सेनाले २२५ जनाको शव व्यवस्थापन गरेको छ । यससँगै नेपालमा कोरोना संक्रमणबाट मृत्यु हुनेको संख्या ४ हजार ८४ पुगेको छ ।

    त्यसैगरी पछिल्लो २४ घण्टामा ९४८३ जनामा संक्रमण पुष्टि भएको छ । मन्त्रालयका अनुसार २१ हजार ३१६ नमुना परीक्षण गर्दा थप संक्रमण पुष्टि भएको हो । अब नेपालमा सक्रिय संक्रमितको संख्या ९७ हजार ८ पुगेको छ । मन्त्रालयका अनुसार पीसीआर विधिबाट २० हजार ५९६ जना र एन्टिजेन विधिबाट ७२० जनाको परीक्षण गर्दा ९ हजार ४८३ जनामा संक्रमण पुष्टि भएको हो।

    त्यस्तै पछिल्लो २४ घण्टामा ५ हजार २२५ जना संक्रमणमुक्त भएका छन् । यससँगै देशभर कोरोना संक्रमित हुनेको कुल संख्या ४ लाख १३ हजार १११ पुगेको छ भने निको हुनेको संख्या ३ लाख १२ हजार १९ पुगेको छ ।

    प्रतिकृया दिनुहोस्