आज :

लुम्बिनी प्रदेशमा अल्पमतलाई मुख्यमन्त्रीको शपथ

काठमाडौँ । आफ्नै सांसदले राजिनामा र अविश्वास प्रस्तावमा उभिएपछि अल्पमतमा परेका शंकर पोखरेललाई लुम्बिनी प्रदेशको मुख्यमन्त्रीको शपथ खुवाइएको छ । नेपाली काँग्रेस, नेकपा माओवादी केन्द्रसहितका विपक्षी गठबन्धनले ४२ सांसदको हस्ताक्षरसहित वहुमत दावी गरेपनि प्रदेश प्रमुखले पोखरेललाई पद तथा गोपनीयताको सपथ खुवाएका हुन् ।

अविश्वास प्रस्तावको फेस गर्न नसकेर पोखरेलले आजै विहान राजिनामा दिएका थिए । त्यसलगत्तै संसद अधिवेशनको अन्त्य गरेका थिए । संसद अधिवेशनको अन्त्य गरेपछि पोखरेललाई प्रदेश प्रमुखले मुख्यमन्त्रीमा नियुक्त गरेका थिए ।

पोखरेल मुख्यमन्त्रीमा नियुक्त भएपछि एमालेका एकजना सांसदले राजिनामा दिएका थिए भने दुई जना विपक्षी गठबन्धनमा उभिएका थिए । त्यो पहिला तत्कालिन (नेकपा)बाट निर्वाचित बिमला कुमारी खत्रीले माओवादी केन्द्र रोजेकी थिइन् । बिमलाको निर्णयसँगै अल्पमतमा परेका पोखरेलले अविश्वास प्रस्तावको फेस गर्न नसकेपछि एकाएक राजिनामा दिएका थिए ।

पोखरेललाई जसरी पनि मुख्यमन्त्रीबाट नहाटाउने भन्दै पार्टी अध्यक्ष तथा प्रधानमन्त्री केपी शर्मा ओलीले केन्द्रबाट हस्तक्षेप गरेको आरोप विपक्षीले लगाएका छन् ।

आफूसँग बहुमति भएको भन्दै माओवादी केन्द्रका संसदीय दलका नेता कुलप्रसाद केसीले मुख्यमन्त्रीको दाबी गरेपनि त्यसलाई प्रदेश प्रमुखले पूरै बेवास्ता गरेका छन् । पोखरेललाई मुख्यमन्त्री नियुक्त गरेपछि ४२ जना सांसद हस्ताक्षरसहित प्रदेश प्रमुख कार्यालयमा धर्नामा बसेका थिए । उनीहरुले पोखरेललाई शपथ नखुवाउन माग समेत गरेका थिए । तर, प्रदेश प्रमुख धर्मनाथ प्रसाद यादवले राति ८ बजे पोखरेललाई पद तथा गोपनीयताको सपथ गराएका छन् ।

अल्पमतका नेतालाई मुख्यमन्त्री नियुक्त र सपथ गराइएकोप्रति विपक्षी गठबन्धनले आपत्ति जनाएका छन् । उनीहरुले मुख्यमन्त्रीको सपथ नगराउन प्रदेश प्रमुख कार्यालयमा धर्ना दिए पनि कडा सुरक्षा प्रबन्ध गरी पोखरेललाई सपथ गराइएको हो ।

यसैबीच माओवादी केन्द्रका अध्यक्ष प्रचण्डले अल्पमतको व्यक्तिलाई जबरजस्ती मुख्यमन्त्रीको नियुक्त गर्नु असंवैधानिक भएको बताएका छन् । प्रदेश प्रमुखलाई उक्त अनैतिक र असंवैधानिक कदम सच्याउने समेत प्रचण्डले आग्रह गरेका छन् ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal