News Portal

  • १२ घण्टे अल्टिमेटमपछि छाडे एसपी मल्लले चितवन

    ८२ पटक

    काठमाडौं । आज (शुक्रबार) मात्रै एसपी दानबहादुर मल्लले चितवन छाडेका छन् ।

    उनले जिल्लाका डिएसपीलाई चार्ज बुझाएर सरुवा भएको दरबन्दीका लागि रवाना लिएका हुन् । जिल्ला प्रहरी कार्यालय चितवनका प्रमुख रहेका एसपी मल्लले डीएसपीलाई चार्ज बुझाएको ३ नं.प्रदेश प्रहरी कार्यालयले पुष्टि गरेको छ ।

    उनको पुस ४ गते त्रिभुवन अन्तर्राष्ट्रिय विमानस्थलमा सरुवा भएको थियो । सरुवा भएको २ हप्तासम्म पनि जिल्ला नछाडेपछि मल्लको चर्को आलोचना भएको थियो ।

    उनको स्थानमा प्रहरी प्रधान कार्यालयले एसपी गंगा पन्तलाई सरूवा गरेको छ । सरुवा पछि पनि अटेर गरि चितवन नछाडेपछि बुधबार मात्रै ३ नं.प्रदेश प्रहरी कार्यालय हेटौंडाले उनलाई १२ घन्टे अल्टिमेटम दिएको थियो ।

    प्रतिकृया दिनुहोस्