News Portal

  • हाम्रो यात्रा रोक्‍न खोज्‍नेको अन्तिममा खरानी हुनेछः  विप्लव 

    १८०२ पटक

    काठमाडौँ । नेपाल कम्युनिस्ट पार्टीका महासचिव विप्लवले आफ्नो पार्टीमाथि दमन ग‍र्नेहरु खरानी हुने बताएका छन् । विप्लवले पार्टीको राप्ती ब्युरोको बैठकलाई घेरा हालेर गिरएको गिरफ्तारीको विरोध गर्दै कडा चेतावनी दिएका छन् ।

    विहीबार विज्ञप्ति जारी गरेर विप्लवले पार्टीको बैठक तथा राजनीतिक प्रशिक्षण भइरहेको ठाउँबाटबाट दुई केन्द्रीय सदस्यसहित २१ नेताको गिरफ्तारीको कडा रुपमा विरोध गर्दै प्रतिरोधमा उत्रिने चेतावनी दिएका छन् । प्रहरीले बैठकस्थलबाटै पार्टी केन्द्रीय सदस्य तथा मध्यपश्चिम कमान्ड इन्चार्ज वीरजङ्गर र राप्ती ब्युरो इन्चार्ज सुवाससँगै अधिकांश जिल्ला इन्चार्ज-सेक्रेटरीलाई प्रहरीले गिरफ्तार गरेको थियो ।

    ”केपी वलीको फासिवादी सरकारले हाम्रो पार्टीको राप्ती ब्युरोको बैठक तथा राजनीतिक प्रशिक्षण भइरहेको ठाउँबाट पार्टी केन्द्रीय सदस्य तथा मध्यपश्चिम कमान्ड इन्चार्ज कमरेड वीरजङ्ग, राप्ती ब्युरो इन्चार्ज कमरेड सुवास, ब्युरो सदस्यहरू कमरेड सविन, युवा सङ्गठनका अध्यक्ष पाटन, बेपत्ता योद्धा परिवार समाजका अध्यक्ष सुन्दर, रुकुम इन्चार्ज चन्द्र, रोल्पा इन्चार्ज सन्तोष, दाङ इन्चार्ज विक्रम, सल्यान इन्चार्ज विश्वसहित दुई दर्जन नेता तथा कार्यकर्ताहरूलाई रातको २ बजे गिरफ्तार गरेको छ । उक्त सामाजिक फासिवादी गिफ्तारीको पार्टी घोर विरोध एवम् भत्र्सना गर्दछ” विज्ञप्तिमा भनिएको छ ।

    राष्ट्रघात, भ्रष्टाचार, करछली, महँगी, तस्करीविरुद्ध लडिरहेका हाम्रा नेता–कार्यकर्तामाथिको दमनको कडा प्रतिरोध गरिने समेत चेतावनी दिँदै एका छन्, विप्लवले अगाडि भनेका छन् ।

    ”पार्टीका नेता-कार्यकर्ता काम थर्का श्रमिक जनताको अधिकार, देशको स्वाधीनताका पक्षमा र राष्ट्रघात, भ्रष्टाचार, करछली, महँगी, तस्करीविरुद्ध लडिरहेका हाम्रा नेता–कार्यकर्तामाथिको दमनको कडा प्रतिरोध गरिने समेत चेतावनी दिएका छन् । वि्लवले अगाडि भने‍‘केपी सरकार देशको आर्थिक, राजनीतिक, सांस्कृतिक, सामाजिक क्षेत्रमा नयाँ उपलब्धि र विकास दिन असफल भएपछि जनवादी शक्तिवरुद्ध दिन–प्रतिदिन घोर निरङ्कुश, सर्वसत्तावादी एवम् फासिवादी बन्दै गएको छ । देशलाई लुट्ने, घात गर्नेको रक्षा र क्रान्तिकारी एवम् जनवादी शक्तिहरूमाथि हत्या, हिंसा, गिरफ्तारी, दमन लादिरहेको छ । हामी केपी सरकारको निरङ्कुश एवम् फासिवादी दमनका विरुद्ध जागरुक हुन र सङ्घर्ष गर्न सबै मानवअधिकारवादी, कानुनविद्, बुद्धिजीवी, देशभक्त, लोकतन्त्रवादी, कम्युनिस्ट क्रान्तिकारी शक्तिहरूलाई विशेष अपिल गर्दछौँ” विज्ञप्तिमा भनिएको छ ।

    महासचिव विप्लवले विज्ञप्तिमा आफ्नो पार्टीले अगाडि सारेको वैज्ञानिक समाजवादमा पुग्ने यात्रालाई रोक्न खोज्‍ने अन्तिममा खराबी बन्‍ने बताउँदै विज्ञप्तिमा भनेका छन्, ”कठिनाइ, दुःखकष्ट, जेलनेल, त्याग र बलिदान क्रान्तिका मूल्य हुन् । जनताको मुक्ति एवम् वैज्ञानिक समाजवाद—साम्यवादका लागि लडिरहेका हाम्रो पार्टी, हाम्रा नेता र कार्यकर्ताहरू यो मूल्य चुकाएर नै महान् उद्देश्य प्राप्त गर्न सकिन्छ भन्नेमा स्पष्ट छौँ । यसका लागि हामी तयार हुँदैनथ्यौँ भने माओवादी पार्टीको खरानीबाट हाम्रो जनप्रिय पार्टी नेपाल कम्युनिस्ट पार्टी र एकीकृत जनक्रान्ति जन्माउन सम्भव हुने थिएन । हामी हरेक गद्दारी, ठक्कर र बलिदानबाट किञ्चित् विचलित नभई अरू स्पातिलो बन्दै जानेछौँ । हाम्रो वैज्ञानिक समाजवादमा पुग्ने यात्रालाई कसैले रोक्न सक्नेछैन । जसले रोक्न खोज्दैछ अन्तिममा ऊ नै खरानी हुनेछ । एकीकृत जनक्रान्ति विजयी भइछाड्नेछ ।”

    प्रतिकृया दिनुहोस्