सिन्धुली । बिपी राजमार्गस्थित सुनकोशी गाउँपालिका २ कमेरेफाँटमा कार दुर्घटना हुँदा २ जनाको मृत्यु भएको छ ।
सोमबार राति खोटाङको हलेसीबाट काठमाडौंतर्फ आउँदै गरेको बा १३ च ३७९३ नं.को कार अनियन्त्रित भई सडकबाट करिब २ सय मिटर तल सुनकोशी नदीको किनारमा खस्दा सवार ४ जना मध्ये २ जनाको ज्यान गएको प्रहरीले जानकारी दिएको छ ।
मृत्यु हुनेमा काठमाडौं महानगरपालिका ३१ नयाँबानेश्वरका ४५ वर्षिय हेमा लामिछाने र बर्ष ६० वर्षीय अच्युत लामिछाने रहेका छन् ।
दुर्घटनामा घाइते चालक काठमाडौं महानगरपालिका ३१ नयाँबानेश्वरका ५८ वर्षिय दिपक लामिछाने र २६ वर्षिय आस्था लामिछानेको अवस्था सामान्य रहेको बताइएको छ ।
