काठमाडौं । पूर्व-पश्चिम राजमार्ग अन्तर्गत रूपन्देहीको सैनामैनामा बसको ठक्करबाट मोटरसाइकलमा सवार २ जनाको मृत्यु भएको छ ।
गएराति महेन्द्रनगरबाट काठमाडौ जाँदै गरेको ना ७ ख ५९४८ नं.को बसले विपरित दिशातर्फ गईरहेको लु ८ प ८४७५ नं.को मोटरसाइकललाई ठक्कर दिंदा २ जनाको मृत्यु भएको छ ।
इलाका प्रहरी कार्यालय सालझण्डीका अनुसार बसले ठक्कर दिएपछि मोटरसाइकलमा आगो लागेको र त्यसमा सवार अन्दाजी २०-२५ वर्षका २ युवकको जलेर घटनास्थलमै मृत्यु भएको हो ।
उनीहरुको शव पोष्टमार्टमका लागि बुटवलको लुम्बिनी प्रादेशिक अस्पताल राखिएको छ । बससहित चालकलाई प्रहरीले नियन्त्रणमा लिएको छ ।
