News Portal

  • साफ महिला च्याम्पियनसिप जितेमा प्रत्येक खेलाडीलाई जनही २ लाख पुरस्कार

    ३८४ पटक

    काठमाडौं । प्रदेश १ सरकारले नेपालले साफ महिला च्याम्पियनसिप जितेमा प्रत्येक खेलाडीलाई जनही २ लाख रुपैयाँ पुरस्कार दिने घोषणा गरेको छ ।

    विराटनगरमा आज हुने फाइनलमा भारतसँग पराजित भएर नेपाल उपविजेता भएमा पनि प्रत्येक खेलाडीलाई नगद १ लाख दिने प्रदेश सरकारले जनाएको छ ।

    नेपाल-भारत फाइनल खेलको टिकट दर बढाइएको भन्दै आज बिहान रंगशाला अगाडि सर्वसाधारणले केहीबेर नाराबाजी गरेका छन् । तर आयोजकले आजका लागि बढाएको टिकट दर नघटाउने निर्णय गरेको छ ।

    समर्थकले नाराबाजीसहित टिकट काउन्टर नै बन्द गराएका थिए । विना सूचना टिकट दर बढाइएको भन्दै दर्शकले नाराबाजीसहित टिकट काउन्टर बन्द गराएका हुन् ।

    सुरुमा भीआईपीतर्फ ३ सय र साधारणतर्फ २ सय रुपैयाँ टिकट दर तोकिएको थियो । त्यसको जानकारी दिन राति माइकिङसमेत गरिएको थियो ।

    तर आज बिहान टिकट काट्न जाँदा बढाएर शुल्क ५ सय रुपैयाँ तोकिएको भन्दै समर्थकले विरोधमा नाराबाजी गरेका थिए । तर अहिले समर्थकले ५ सय रुपैयाँ तिरेरै टिकट काटेका छन् ।

    प्रतिकृया दिनुहोस्