Dabali News

जनता बाढीमा डुबीरहेको बेला काठमाडौँ महानगरका मेयर तलब बढाउन लविङ गर्दै

२९ असार

काठमाडौं । ‘अरुलाई अरुको धोको, घरज्वाईलाई खानेको धोको’ भन्ने नेपाली उखान फेरि एक पटक चरितार्थ भएको छ । केही दिनदेखि आएको अविरल बर्षासँगै आएको बाढीले उपत्यकाका अधिकांश भाग डुबानमा परेका छन् । मानिसहरु डुबिरहेका छन्, घरबारविहीन भएका छन् । आगो बाल्ने चुलोदेखि सुत्ने बेड पानीले डुबेका छन् ।

यस्तो अवस्थामा उद्दार र राहतमा केन्द्रीत हुनु पर्ने जनप्रतिनिधि आफ्नो तलबको चिन्तामा छन् । काठमाडौँ महानगरपालिकाका मेयर विद्यासुन्दर शाक्यले आफूसहित जनप्रतिनिधिको तलब बढाउने प्रस्ताव गरेका छन् । उनले प्रदेश सरकारले निर्धारण गरेको तलब कम भएको भन्दै बढाउन प्रस्तावको पक्षमा लविङ गरिरहेका छन् ।

काठमाडौं महानरपालिकाको परिषद बैठकले महानगरपालिकाका प्रमुख (मेयर)को न्युनतम तलब ५५ हजार पुर्याउन प्रदेश सरकारलाई प्रस्ताव गरेको थियो । साथै सबै जनप्रतिनिधिको सेवा सुविधा वृद्धि गर्न आग्रह गरिएको छ । प्रदेश सरकारले तोकेको तलब सुविधाअनुसार हाल महानगरका मेयरले मासिक ४६ हजार तलब मात्रै बुझ्दै आएका छन् । यसमा भत्ता लगायत अन्य अतिरिक्त सुविधा अलग्गै हुन्छ । तर यो कम भएको भन्दै महानगरले मेयरको तलब ५५ हजार र्पुयाउन माग गरेको हो ।

त्यस्तै उपमेयरको तलब अहिले ४० हजार २ सयबाट बढाएर ४८ हजार बनाउन प्रस्ताव गरिएको छ । महानगरपालिका भित्रका सबै वडाध्यक्षको न्युनतम तलब पनि ४० हजार र्पुयाउन प्रस्ताव गरिएकोको छ । हाल वडाध्यक्षहरूको तलब २८ हजार तोकिएको छ ।

चुनावमा धुलो-धुँवाको अन्त्यसँगै स्मार्ट सिटी र मनोरेलका सपना बाँडेका मेयर शाक्यले जिते लगत्तै एक लाखभन्दा महंगो मोबाइल खरिद गर्ने निर्णयदेखि विवाद पर्दै अाएका छन् ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]