Dabali News

ओलीलाई अहिलेसम्मकै ठूलो झट्काः देउवाले गरेका नियुक्ति बदर नगर्न सर्वोच्चको आदेश

२८ असार

काठमाडौँ । अघिल्लो सरकारले गरेका राजनीतिक नियुक्ति बदर गर्ने प्रधानमन्त्री केपी शर्मा ओलीको निर्णयलाई सर्वोच्च अदालतले उल्ट्याई दिएको छ । पुर्ववर्ती शेरबहादुर देउवा नेतृत्वको सरकारले गरेको राजनीतिक नियुक्ति तत्काल बदर नगर्न विहीबार सर्वाेच्च अदालतले आदेश दिएको छ ।

दुरसञ्चार प्राधिकरणका अध्यक्ष दिगम्बर झा र निक्षेप कर्जा सुरक्षा कोषका कार्यकारी अध्यक्ष कृष्णबाबु मिश्रले दिएको रिट उपर निर्णय गर्दै सर्वाेच्च अदालतले यस्तो आदेश दिएको हो । मिश्रले दिएको रिटका सम्बन्धमा सर्वाेच्च अदालतका न्यायाधिस पुरुषोत्तम भण्डारीको एकल इजलासले ओली सरकारको निर्णय तत्काल कार्यान्वयन नगर्न आदेश दिँदै २ साउनमा छलफलका लागि बोलाउने र त्यतिन्जेलसम्मका लागि निर्णय कार्यान्वयन नगर्ने आदेश दिएको छ ।

यसैरी दुरसञ्चार प्राधिकरणका अध्यक्ष झाले दिएको रिटका सम्बन्धमा ३ साउनमा छलफलका लागि बोलाउने निर्णय गर्दै त्यतिन्जेलसम्म झालाई पदमुक्त नगर्ने आदेश न्यायाधिस भण्डारीकै एकल इजलासले दिएको छ ।

निर्वाचन आचार संहिता लागू भएपछि भएका राजनीतिक नियुक्ति खारेज गर्ने निर्णय मन्त्री परिषदले असारमा गरेको थियो। सो निर्णयका विरुद्ध झा र मिश्र सर्वाेच्च अदालतमा रिट दायर गरेका थिए ।

यसैबीच, घरेलु तथा साना उद्योग विकास समितिका कार्यकारी अध्यक्ष नविनकुमार झा, अधिकारसम्पन्न बागमती सभ्यता एकीकृत विकास समितिका निर्देशक नरेन्द्रराज बस्नेतले पनि विहीबार रिट हालेका छन् ।

सरकारले २० असारमा अघिल्लो सरकारले गत भदौ १४ गते यता गरेका सबै राजनीतिक नियुक्त खारेज गर्ने निर्णय गरेको थियो ।

सर्वोच्चको यो अादेश प्रधानमन्त्री ओलीको लागि ठूलो झट्काको रुपमा हेरिएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]