Dabali News

फ्रान्स विश्वकपको फाइनलमा पुग्‍यो, बेल्जियमका समर्थक निरास

२७ असार

काठमाडौँ । रुसमा जारी विश्वकप फुटबलमा बेल्जियमलाई हराउँदै फ्रान्स फाइनलमा प्रवेश गरेको छ । मंगलबार राति भएको खेलमा फ्रान्ससँग १–० गोलले बेल्जियम पराजित भएको हो ।

उपाधिको दाबेदार फ्रान्स सन् २००६ पछि पहिलो पटक फाइनलमा प्रवेश गरेको छ । डिफेन्डर सामुयल उम्टिटीको दोस्रो हाफको गोलले फ्रान्सलाई यो चरणमा पुर्याएको हो ।

प्रतिष्पर्धात्मक खेलको पहिलो हाफ गोलरहित बराबरीमा टुंगिएको थियो । ३४औं मिनेटमा फ्रान्सले निकै राम्रो मौका पाएको थियो । तर एन्टोइन ग्रिजम्यानको पासमा एमबाप्पेले मिलाइदिएको बललाई ओलिभर जिरुडले गोलमा परिणत गर्न सकेनन् । ४०औं मिनेटमा फ्रान्सले अर्को मौका पाएको थियो । एमबाप्पेको पासलाई पाभार्डले गोलको दिशा दिएपनि बेल्जियमका गोलकिपर कोट्र्वाले रोकेका थिए ।
पहिलो हाफको इन्ज्युरी समयमा बेल्जियमले निकै राम्रो मौका पाएको थियो ।

दोस्रो हाफको छैटौं मिनेटमा फ्रान्सले अग्रता लियो । ग्रिजम्यानको कर्नर प्रहारलाई सामुयल उम्टिटीले हेडमार्फत गोलमा परिणत गरे । यसक्रममा उनले मेराउन फेलानीलाई बिट गरेका थिए ।

इन्ज्युरी समयमा फ्रान्सले दुईवटा उत्कृष्ट अवसर पाएको थियो । ग्रिजम्यान र टिलिसोको प्रहारलाई बेल्जियम गोलकिपरले सहजै बचाए ।
बेल्जियमले बाँकी समयमा खेलमा फर्किने प्रयास गरे पनि गोल गर्न नसक्दा पहिलो पटक विश्वकप फाइनल खेल्ने लक्ष्य पूरा हुन सकेन ।

फ्रान्सले अब इंग्ल्याण्ड र क्रोएसियाबीचको विजेतासँग २१औं संस्करणको उपाधिका लागि खेल्नेछ । इंग्ल्याण्ड र क्रोएसियाबीचको सेमिफाइनल बुधबार हुनेछ ।

फ्रान्स सन् १९९८ को विजेता हो ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]